ഇരിങ്ങാലക്കുട: ബാച്ചിലർ ഓഫ് പ്രോസ്തറ്റിക്സ് ആൻസ് ഓർത്തോറ്റിക്സ് ബിരുദ കോഴ്സിന് അപേക്ഷ ക്ഷണിച്ചു. ഈ മാസം നാല്, അഞ്ച് തീയതികളിൽ അപേക്ഷിക്കാം.
കേരളത്തിൽ ആദ്യമായി ആരംഭിക്കുന്ന പ്രൊഫഷണൽ ഡിഗ്രി പ്രോഗ്രാം ആയ കോഴ്സിന് എൽ ബി എസിലാണ് ഓപ്ഷൻ നൽകേണ്ടത്. ഫിസിക്സ്, കെമിസ്ട്രി, ബിയോളജി വിഷയങ്ങളിൽ പ്ലസ് ടു യോഗ്യത ഉള്ളവരും പാരാമെഡിക്കൽ കോഴ്സുകൾക്കായി ഇതിനകം തന്നെ എൽ ബി എസ്സിൽ രജിസ്റ്റർ ചെയ്തിട്ടുള്ള വിദ്യാർത്ഥികൾക്കുമാണ് ഓപ്ഷൻ നൽകാൻ കഴിയുക. സംസ്ഥാന സാമൂഹ്യ നീതി വകുപ്പിന് കീഴിൽ ഇരിങ്ങാലക്കുടയിൽ പ്രവർത്തിക്കുന്ന നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റീഹാബിലിറ്റേഷനാണ് കേരള ആരോഗ്യ ശാസ്ത്ര സർവകലാശലയുടെ അഫീലിയേഷനുള്ള ഈ കോഴ്സ് നടത്തുന്നതിന് അനുമതി ലഭിച്ചിട്ടുള്ളത്. ആകെ 20 മെറിറ്റ് സീറ്റുകളിലാണ് അഡ്മിഷൻ നൽകുക.