പെരിന്തൽമണ്ണ. ഒരുകാലത്ത് പെരിന്തൽമണ്ണയിലെ പ്രമുഖരായ രാഷ്ട്രീയ നേതാക്കളാണ് ഇന്ന് പാതാക്കര യു പി സ്കൂളിൽ ഒരുമിച്ച് കണ്ടുമുട്ടിയത്. വ്യത്യസ്ത രാഷ്ട്രീയ പാർട്ടി നേതാക്കൾ ആണെങ്കിലും തികഞ്ഞ സൗഹൃദം പുലർത്തിയിരുന്ന ആളുകൾ ആയിരുന്നു ഈ മൂന്നുപേരും. ദീർഘകാലം പെരിന്തൽമണ്ണയിൽ എം എൽ എ യും കേരളത്തിന്റെ വിദ്യാഭ്യാസ മന്ത്രിയുമായിരുന്ന മുസ്ലിം ലീഗിലെ നാലകത്ത് സൂപ്പി, സി പി ഐ എം നേതാവും, സി പി ഐ എം മലപ്പുറം ജില്ലാ കമ്മിറ്റി സെക്രട്ടറിയും ആയിരുന്ന പി പി വാസുദേവൻ, കെ പി സി സി മെമ്പറും കോൺഗ്രസിന്റെ സമുന്നത നേതാവും ആയിരുന്ന സി സേതുമാധവൻ എന്നിവരാണ് പാതാക്കര എ യുപി സ്കൂളിൽ കുട്ടികളുടെ പ്രവേശനോത്സവത്തിൽ പങ്കെടുത്തത്. രാഷ്ട്രീയ കക്ഷികൾ തമ്മിൽ. പരസ്പരം പോരടിക്കുമ്പോൾ ഈ വ്യക്തികളുടെ സൗഹൃദം ഒരു മലപ്പുറം ജില്ലാ മാതൃക കൂടിയാണ്.
