കൊച്ചി,19.10.2024: ലോകമെമ്പാടുമുള്ള നഴ്സുമാരുടെ സംഭാവനകളെ അംഗീകരിക്കുകയും ആഘോഷിക്കുകയും ചെയ്യുന്ന ഉയര്ന്ന സമ്മാനത്തുകയുള്ള നഴ്സുമാര്ക്കുള്ള ആഗോള അവാര്ഡുകളിലൊന്നായ ആസ്റ്റര് ഗാര്ഡിയന്സ് ഗ്ലോബല് നഴ്സിങ്ങ് അവാര്ഡിന്റെ മൂന്നാം പതിപ്പിലെ മികച്ച 10 ഫൈനലിസ്റ്റുകളെ ആസ്റ്റര് ഡിഎം ഹെല്ത്ത് കെയര് പ്രഖ്യാപിച്ചു. ലോകമെമ്പാടുമുള്ള 202ലധികം രാജ്യങ്ങളില് നിന്നുള്ള 78,000ലധികം നഴ്സുമാരില്നിന്ന് ലഭിച്ച അപേക്ഷകളില് നിന്നാണ് ഏറ്റവും മികച്ച 10 ഫൈനലിസ്റ്റുകളെ ഷോര്ട്ട്ലിസ്റ്റ് ചെയ്തത്. ഏണസ്റ്റ് ആന്റ് യംഗ് (EY) എല്എല്പി, വിദഗ്ധ ജൂറി,ഗ്രാന്ഡ് ജൂറി എന്നിവര് സ്വതന്ത്രമായി നടത്തിയ സൂക്ഷ്മമായ അവലോകന പ്രക്രിയയിലൂടെയാണ് മികച്ച 10 ഫൈനലിസ്റ്റുകളെ തിരഞ്ഞെടുത്തത്.
രോഗികളുടെയും സമൂഹത്തിന്റെയും ക്ഷേമത്തിനായി തങ്ങളുടെ കര്ത്തവ്യങ്ങള്ക്കപ്പുറവും കര്മ്മ നിരതരായി പ്രവര്ത്തിക്കുന്ന ഈ ഓരോ നഴ്സുമാരും തങ്ങളുടെ മികവ് പ്രകടിപ്പിച്ചവരാണെന്ന് ആസ്റ്റര് ഡിഎം ഹെല്ത്ത് കെയര് സ്ഥാപക ചെയര്മാന് ഡോ. ആസാദ് മൂപ്പന് പറഞ്ഞു. നഴ്സുമാരുടെ ശ്രദ്ധേയമായ സംഭാവനകളെ ആദരിക്കുകയും, ആഘോഷിക്കുകയും ചെയ്യുന്നതിനൊപ്പം, അവര്ക്ക് പ്രതിഫലം നല്കി നഴ്സിങ്ങ് രംഗത്തെ റോള്മോഡലുകളായി അവരെ സ്ഥാപിക്കുന്നതിനുമാണ് ആസ്റ്റര് ഗാര്ഡിയന്സ് ഗ്ലോബല് നഴ്സിങ്ങ് അവാര്ഡ് ലക്ഷ്യമിട്ടിരിക്കുന്നതെന്നും ഡോ. ആസാദ്മൂപ്പന് വ്യക്തമാക്കി. 7 രാജ്യങ്ങളിലായി 9,000-ത്തിലധികം നഴ്സുമാര് ആസ്റ്റര് ഡിഎം ഹെല്ത്ത് കെയറിന്റെ വിവിധ സ്ഥാപനങ്ങളില് ജോലി ചെയ്യുന്നുണ്ട്. നഴ്സുമാരുടെ പ്രതിബദ്ധതയ്ക്കും പരിശ്രമത്തിനും സുപ്രധാന പരിഗണനയാണ് സ്ഥാപനം നല്കുന്നതെന്ന് ഇത് വ്യക്തമാക്കുന്നു. ആഗോളതലത്തില് നഴ്സിങ്ങ് സമൂഹം നടത്തുന്ന പ്രവര്ത്തനങ്ങളിലേക്ക് ശ്രദ്ധ ചെലുത്താന് ചെയ്യാന് കഴിയുന്ന ഏറ്റവും ചെറിയ കാര്യമാണിതെന്നും അദ്ദേഹം കൂട്ടിച്ചേര്ത്തു.
2024 ഡിസംബറോടെ ഇന്ത്യയിലെ ബെംഗളൂരുവില് നടക്കുന്ന ഗാല ഇവന്റിലാണ് അന്തിമ വിജയിയെ പ്രഖ്യാപിക്കുന്നത്. കഴിഞ്ഞ വര്ഷം യുകെയില്നിന്നുള്ള നഴ്സ് മാര്ഗരറ്റ് ഷെപ്പേര്ഡാണ് 250,000 യുഎസ് ഡോളറിന്റെ ഗ്രാന്ഡ് ടൈറ്റില് അവാര്ഡ് വിജയിയായത്.
അവാര്ഡിന്റെ മൂന്നാം പതിപ്പിലെ വിജയിക്ക് 250,000 ഡോളര് സമ്മാനിക്കുന്നതിനൊപ്പം, മറ്റ് ഒന്പത് ഫൈനലിസ്റ്റുകളെ പാരിതോഷികം നല്കി അംഗീകരിക്കുകയും ചെയ്യും. ഗ്രാന്ഡ് ജൂറിയിലെ അംഗങ്ങളുമായുള്ള അഭിമുഖങ്ങള് അവസാന റൗണ്ടില് ഉള്പ്പെടും. സ്വിറ്റ്സര്ലന്ഡിലെ ഇന്റര്നാഷണല് കൗണ്സില് ഓഫ് നഴ്സസിന്റെ ചീഫ് എക്സിക്യൂട്ടീവ് ഓഫീസര് ഹോവാര്ഡ് കാറ്റണ്, ഗ്ലോബല് എച്ച്ഐവി പ്രിവന്ഷന് കോയലിഷന്റെ സഹ ചെയര്പേഴ്സണും, മുന് ആരോഗ്യ മന്ത്രിയും ബോട്സ്വാന പാര്ലമെന്റ് അംഗവുമായ പ്രൊഫ. ഷെയ്ല ട്ലോ, ഡബ്ല്യുഎച്ച്ഒ നഴ്സിങ് സഹകരണകേന്ദ്രത്തിലെ അഡ്ജങ്ക്റ്റ് പ്രൊഫസര് പ്രൊഫ. ജെയിംസ് ബുക്കന്, ഒബിഇ അവാര്ഡ് ജേതാവും സ്വതന്ത്ര ഹെല്ത്ത് കെയര് കണ്സള്ട്ടന്റും, റോയല്കോളേജ് ഓഫ് നഴ്സിംഗിന്റെ മുന് സിഇഒയുമായ ഡോ. പീറ്റര് കാര്ട്ടര്, AXA (EC)സീനിയര് ഡിജിറ്റല് അഡൈ്വസറും, Harbr ബോര്ഡ് ചെയറും, Health4all അഡൈ്വസറി മാനേജിങ്ങ് ഡയറക്ടര് ഡോ. നിതി പല് എന്നിവരാണ് ഗ്രാന്ഡ് ജൂറി അംഗങ്ങള്.
ആര്ക്കിമിഡീസ് മൊട്ടാരി (കുഗിറ്റിമോ ഹെല്ത്ത് സെന്റര്, കെനിയ), ജോണ്സി ഇന്നി (ഇമ്മാനുവല് ലൂഥറന് റൂറല് ഹോസ്പിറ്റല്, പാപുവ ന്യൂ ഗിനിയ), ലാര്ണി കോണ്ളു ഫ്ളോറന്സിയോ (ന്യൂയോര്ക്ക് പ്രസ്ബിറ്റേറിയന്, യുഎസ്എ), ലിലിയന് നുവാബെയ്ന് (അഗ ഖാന് യൂണിവേഴ്സിറ്റി ഓഫ് നഴ്സിങ് സ്കൂൾ ഓഫ് നഴ്സിങ്ങ് മിഡ്വൈഫറി, മന്യാങ്വ ബെസ്റ്റ് മെഡിക്കല് സര്വീസസ് സെന്റര് ലിമിറ്റഡ്, ഉഗാണ്ട), നെല്സണ് ബൗട്ടിസ്റ്റ (തവാം ഹോസ്പിറ്റല്,യുഎഇ), നിലിമ പ്രദീപ് കുമാര് റാണെ (നഴ്സിങ്ങ് അസോസിയേഷന് പ്രസിഡന്റ് – ഗോവ സ്റ്റേറ്റ് ബ്രാഞ്ച്, ഇന്ത്യ), മരിയ വിക്ടോറിയ ജുവാന് (ഫിലിപ്പൈന് ആർമി ഹെല്ത്ത് സര്വീസസിലെ കണ്സള്ട്ടന്റ്, ഫിലിപ്പീന്സ്), മാര്ട്ടിന് ഷിയവേനാറ്റോ (ഗോണ്സാഗ യൂണിവേഴ്സിറ്റി, യുഎസ്എ), ഹോയി ഷു യിന്(ടാന് ടോക്ക് സെങ് ഹോസ്പിറ്റല്, സിംഗപ്പൂര്), സില്വിയ മേ ഹാംപ്ടണ് (വൂണ്ട് കെയര് കണ്സള്ട്ടന്റ്സ് ലിമിറ്റഡ്, ഇംഗ്ലണ്ട്) എന്നിവരാണ് ഷോര്ട്ട് ലിസ്റ്റ് ചെയ്യപ്പെട്ട മികച്ച 10 ഫൈനലിസ്റ്റുകൾ. മികച്ച 10 ഫൈനലിസ്റ്റുകളെക്കുറിച്ച് കൂടുതലറിയാന്, ദയവായി സന്ദര്ശിക്കുക: https://www.asterguardians.com/
No Comment.