തൃശ്ശൂർ: തൃശ്ശൂർ നിയോജകമണ്ഡലത്തിലെ എൽ.ഡി.എഫ്. സ്ഥാനാർത്ഥിയും പ്രശസ്ത കവിയുമായ ആലങ്കോട് ലീലാകൃഷ്ണന്റെ തെരഞ്ഞെടുപ്പ് പ്രചരണാർത്ഥം തയ്യാറാക്കിയ ഔദ്യോഗിക ഗാനം പ്രകാശനം ചെയ്തു. സി.പി.ഐ. സംസ്ഥാന സെക്രട്ടറി ബിനോയ് വിശ്വം പ്രകാശനകർമ്മം നിർവ്വഹിച്ചു.
ആലങ്കോട് ലീലാകൃഷ്ണന്റെ തെരഞ്ഞെടുപ്പ് റാലിയുടെ സമാപന സമ്മേളന വേദിയിൽ വെച്ച് ഡിവിഷൻ കൗൺസിലർ സൗമ്യ പ്രദീഷിന് സി.ഡി. (CD) നൽകിക്കൊണ്ടാണ് ഗാനം പുറത്തിറക്കിയത്. യുവകലാസാഹിതി സംസ്ഥാന കമ്മിറ്റിയാണ് പ്രചരണ ഗാനം അവതരിപ്പിക്കുന്നത്.
ഗാനത്തിന് പിന്നിൽമണ്ഡലത്തിലെ വോട്ടർമാരിലേക്ക് സ്ഥാനാർത്ഥിയുടെ സന്ദേശമെത്തിക്കാൻ ലക്ഷ്യമിട്ട് തയ്യാറാക്കിയ ഗാനത്തിന്റെ അണിയറപ്രവർത്തകർ ഇവരാണ്:
ഗാനരചന: വയലാർ ശരത്ചന്ദ്ര വർമ്മസംഗീതം: ആനന്ദ് കാവുംവട്ടംആലാപനം: സായ് ബാലൻചടങ്ങിലെ സാന്നിധ്യംഅരവിന്ദ് കൃഷ്ണ അദ്ധ്യക്ഷത വഹിച്ച ചടങ്ങിൽ സി.പി.ഐ. ദേശീയ എക്സിക്യൂട്ടീവ് അംഗം അഡ്വ. കെ.പി. രാജേന്ദ്രൻ, യുവകലാസാഹിതി സംസ്ഥാന രക്ഷാധികാരി ഇ.എം. സതീശൻ, സംസ്ഥാന സെക്രട്ടറി സി.വി. പൗലോസ്, ജില്ലാ പ്രസിഡന്റ് ഡോ. എസ്. ഗിരീഷ് കുമാർ, ജില്ലാ ജോയിന്റ് സെക്രട്ടറി ജി.ബി. കിരൺ, സാറാമ്മ റോബ്സൺ, ടി. സുധാകരൻ തുടങ്ങിയ പ്രമുഖ നേതാക്കൾ സന്നിഹിതരായിരുന്നു. ചടങ്ങിൽ ഗിരീഷ് സ്വാഗതവും കനകൻ നന്ദിയും രേഖപ്പെടുത്തി.