കരുമാനാംകുറുശ്ശി: കരുമാനാംകുറുശ്ശി ഗവ.എൽ.പി.സ്കൂളിന്റെ 104-ാം വാർഷികാഘോഷവും എൻഡോവ്മെന്റുകളുടെ വിതരണവും വിപുലമായ പരിപാടികളോടെ ആഘോഷിച്ചു. വാർഡ് കൗൺസിലറും ചെർപ്പുളശ്ശേരി നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാനുമായ എം.ആർ.രാജേഷിന്റെ അധ്യക്ഷതയിൽ ചേർന്ന ചടങ്ങിൽ , നഗരസഭ ചെയർ പേഴ്സൺ ജംസിയ. കെ.ടി. വാർഷികാഘോഷം ഉദ്ഘാടനം ചെയ്തു. ബി.ആർ.സി. ട്രെയ്നർ .പി.സി.ശിവശങ്കരൻ , പി.ടി.എ.പ്രസിഡണ്ട് മായ കെ.ബി,SMC ചെയർപേഴ്സൺ മനീഷ, MPTA പ്രസിഡന്റ് അനിത,മുൻ പ്രധാന അധ്യാപകരായ സതി അമ്മ , ജയശ്രീ . കെ. പി , സ്കൂൾ വികസന സമിതി കൺവീനർ KS നാരായണൻകുട്ടി, ക്ലബ്ബ് സെക്രെട്ടറി സുധീഷ് എന്നിവർ ആശംസകൾ പറഞ്ഞു. പ്രഥമാധ്യാപിക പി.കെ.ബീന സ്വാഗതവും പി. ജയലക്ഷ്മി നന്ദിയും പറഞ്ഞു. തുടർന്ന് കുട്ടികളുടേയും പൂർവ്വ വിദ്യാർത്ഥികളുടേയും രക്ഷിതാക്കളുടേയും കലാമേളയും ഉണ്ടായിരുന്നു.
