കലാസാഗർ പുരസ്‌കാരത്തിനുള്ള നാമനിർദ്ദേശം ക്ഷണിക്കുന്നു

കഥകളിയുടെ സമസ്ത മേഖലകളിലും കൃതഹസ്തത നേടി അരങ്ങു നിറഞ്ഞുനിന്ന് സമുചിത മേളപ്രയോഗം നടത്തി കഥകളിയുടെ മേളത്തിന്റെ പുത്തൻ ശൈലീവല്ക്കരണം അടയാളപ്പെടുത്തിയ കലാമണ്ഡലം കൃഷ്ണൻകുട്ടി പൊതുവാളുടെ  നൂറ്റിയൊന്നാം ജന്മദിനം 2025 മെയ് 28നു ആണ്.  ആ പരമാചാര്യന്റെ  സ്മരണ ശാശ്വതീകരിക്കുന്നതിനായി കലാസാഗർ ഏർപ്പെടുത്തിയ പുരസ്‌കാരത്തിനുള്ള നാമനിർദ്ദേശം കലാസ്‌നേഹികളിൽ നിന്ന് ക്ഷണിക്കുന്നു. കഥകളിയുടെ വേഷം, സംഗീതം, ചെണ്ട, മദ്ദളം, ചുട്ടി    എന്നീ  കലാവിഭാഗങ്ങളിൽ പ്രാവീണ്യം  തെളിയിച്ച കലാകരമാർക്കു പുറമെ ഈ വര്ഷം ഒരു  കലാനിരൂപകനെയും  പുരസ്‌കാരം നൽകി ആദരിക്കുന്നതായിരിക്കും. കലാകാരൻമാർ   കേരളത്തിൽ സ്ഥിര താമസമാക്കിയവരായിരിക്കണം.  ഏപ്രിൽ 28നു മുൻപായി നാമനിർദ്ദേശം സെക്രട്ടറി, കലാസാഗർ, കവളപ്പാറ, ഷൊർണുർ 679523 എന്ന വിലാസത്തിലാണ്അയക്കേണ്ടത്.  2025 മെയ് 28ആം തിയതി വാഴേങ്കട കുഞ്ചുനായർ സ്മാരക ട്രസ്റ്റ് ഹാളിൽ വെച്ച്  നടത്തുന്ന ഒരു പിറന്നാളിന്റെ ഓർമ്മക്ക് എന്ന പരിപാടിയോടനുബന്ധിച്ചു പുരസ്‌കാരങ്ങൾ സമര്‍പ്പിക്കും.

രാജൻ പൊതുവാൾ
സെക്രട്ടറി
8129669995