കോങ്ങാട്. കേരളത്തിൽ സിനിമ ചിത്രീകരണം സജീവമാകുമ്പോൾ പോലീസ് സ്റ്റേഷന് ആവശ്യമായി വന്നാൽ അത് തെരഞ്ഞെടുക്കുന്നത് ഇപ്പോൾ കോങ്ങാട് പഴയ പോലീസ് സ്റ്റേഷനാണ്. കോങ്ങാട് ടൗണിന്റെ നടുവിലുള്ള ഈ സ്റ്റേഷൻ മിക്ക സിനിമകളുടെയും ലൊക്കേഷൻ ആയി വരുന്നുണ്ട്. ലോകകപ്പും, വയർലെസ് സെറ്റും എല്ലാം ഇവിടെ റെഡി. കോങ്ങാട് പോലീസ് സ്റ്റേഷനിൽ ഒരു ചെറിയ തുക അടച്ചാൽ നിങ്ങൾക്ക് പോലീസ് സ്റ്റേഷൻ ആയി ഈ സ്റ്റേഷൻ ഉപയോഗപ്പെടുത്താൻ കഴിയുന്നു. അതുകൊണ്ടുതന്നെ ദൂരെ ദിക്കുകളിൽ നിന്നു പോലും ഈ പോലീസ് സ്റ്റേഷനിൽ ഷൂട്ടിങ്ങിനായി സിനിമ പ്രവർത്തകർ എത്തുന്നതും പതിവായി. ഒരു പോലീസ് സ്റ്റേഷന്റെ സെറ്റ് ഉണ്ടാക്കണമെങ്കിൽ ഇതിൽ കൂടുതൽ പണം ആവശ്യമായി വരുന്നു. അതുകൊണ്ടാണ് വാടക നൽകി ഈ സ്റ്റേഷൻ ഉപയോഗപ്പെടുത്തുന്നത് എന്ന് സിനിമ നിർമ്മാതാക്കൾ പറഞ്ഞു. ഏതായാലും സിനിമ പ്രവർത്തകരുടെ ഇഷ്ടതാവളമായി ഈ പോലീസ് സ്റ്റേഷൻ മാറിക്കഴിഞ്ഞു.
