കൊല്ലങ്കോട്: പാറമേക്കാവിന്റെ പടക്കനിര്മാണശാല ഉടമയ്ക്കെതിരെ കേസെടുത്ത് പൊലീസ്. അളവിലേറെ വെടിമരുന്ന് സൂക്ഷിച്ചതിന് കൊല്ലങ്കോട് പൊലീസ് ആണ് കേസെടുത്തത്.
കോട്ടയം സ്വദേശി ബിനോയ് ജേക്കബിനെതിരെയാണ് കേസ്.
മുതലമട വെള്ളാരംകടവിലെ പടക്കനിര്മാണശാലയുടെ ഉടമയാണ് ബിനോയ് ജേക്കബ്. ലൈസന്സില് അനുവദിച്ചതിനെക്കാള് കൂടുതല് പടക്കങ്ങളും വെടിമരുന്നും സൂക്ഷിക്കുന്നതായി ചിറ്റൂര് തഹസില്ദാര് നല്കിയ റിപ്പോര്ട്ടിന്റെ അടിസ്ഥാനത്തിലാണ് കേസ്. നിലവില് പടക്കനിര്മാണശാല പോലീസ് സീല് ചെയ്തിട്ടുണ്ട്. തുടര്പരിശോധനകള് നടത്തുമെന്ന് പാലക്കാട് ജില്ലാ കളക്ടര് അറിയിച്ചു.