*ചെർപ്പുളശ്ശേരി:* ബിജെപിയുടെ നേതൃത്വത്തിൽ രണ്ട് ദിവസങ്ങളിലായി ചെർപ്പുളശ്ശേരിയിൽ വച്ച് സംഘടിപ്പിച്ച ‘പ്രശിക്ഷൺ മഹാഭിയാൻ’ പഠന ശിബിരം വിജയകരമായി സമാപിച്ചു. പാർട്ടിയുടെ ആദർശങ്ങളും ഭാവി പ്രവർത്തനങ്ങളും പ്രവർത്തകരിലേക്ക് എത്തിക്കുക എന്ന ലക്ഷ്യത്തോടെയാണ് ശിബിരം സംഘടിപ്പിച്ചത്.
ശിബിരത്തിന്റെ സമാപന സമ്മേളനം ബിജെപി മേഖല ജനറൽ സെക്രട്ടറി അഡ്വ. പി. മനോജ് ഔദ്യോഗികമായി ഉദ്ഘാടനം ചെയ്തു. ബിജെപി ജില്ലാ വൈസ് പ്രസിഡന്റ് എം. പി. സതീഷ്കുമാർ ചടങ്ങിൽ അധ്യക്ഷത വഹിച്ചു.
സമാപന ചടങ്ങിൽ ബിജെപി ജില്ലാ കമ്മിറ്റി അംഗം പി. ജയൻ സ്വാഗതപ്രസംഗം നടത്തി. സംസ്ഥാന കൗൺസിൽ അംഗവും മണ്ഡലം കൺവീനറുമായ കെ. ഹരിദാസൻ ചടങ്ങിൽ പങ്കെടുത്തവർക്ക് നന്ദി രേഖപ്പെടുത്തി.
പാർട്ടി പ്രമുഖ നേതാക്കളായ എ. ശ്രീനാരായണൻ, സ്മിത വി.എസ്, വിനോദ് കണ്ണാട്ടിൽ, ടി. കൃഷ്ണകുമാർ, എ. ഗോപാലകൃഷ്ണൻ, എം. ഗോപാലകൃഷ്ണൻ, വി.പി. നാരായണൻകുട്ടി, അനീഷ് ഇ.കെ, സൗമ്യ കെ, മായ എം.ആർ എന്നിവർ ചടങ്ങിൽ സംബന്ധിക്കുകയും വിവിധ വിഷയങ്ങളെ ആസ്പദമാക്കി സംസാരിക്കുകയും ചെയ്തു. രണ്ട് ദിവസങ്ങളിലായി നടന്ന ശിബിരത്തിൽ മണ്ഡലത്തിലെ നിരവധി പാർട്ടി പ്രവർത്തകരും ഭാരവാഹികളും പങ്കെടുത്തു.
