പാലക്കാട്. മനുഷ്യ-വന്യജീവി സംഘര്ഷം ലഘൂകരിക്കുന്നതിനായി പാലക്കാട് ജില്ലയില് 180 കി.മീ ദൂരം കൂടി പ്രതിരോധ വേലി സ്ഥാപിക്കുമെന്ന് മന്ത്രി എ. കെ ശശീന്ദ്രന്. പ്രതിരോധ വേലി നിര്മാണം സമയബന്ധിതമായി പൂര്ത്തിയാക്കുമെന്നും ഇതോടു കൂടി ജില്ലയിലെ
മനുഷ്യ-വന്യജീവി സംഘര്ഷത്തിന് പരിഹാരമാകുമെന്നും മന്ത്രി പറഞ്ഞു. വനം-വന്യജീവി വകുപ്പിന്റെ ആഭിമുഖ്യത്തില് പൂര്ത്തീകരിച്ച വിവിധ പദ്ധതികളുടെ ഉദ്ഘാടനം നെന്മാറ നെല്ലിയാമ്പതി ഫ്ളയിങ് സ്ക്വാഡ് ഓഫീസ് പരിസരത്ത് നിര്വഹിച്ച് സംസാരിക്കുകയായിരുന്നു മന്ത്രി.
നബാര്ഡിന്റെ സാമ്പത്തിക സഹായത്തോടുകൂടിയാണ് പ്രതിരോധ വേലി നിര്മ്മിക്കുക. നിര്മ്മാണ പുരോഗതി വിലയിരുത്തുന്നതിനായി മാസംതോറും ജനപ്രതിനിധികളുടെയും ഉദ്യോഗസ്ഥരുടെയും അവലോകനയോഗം ചേരും. കഴിഞ്ഞ നാലുവര്ഷത്തിനിടെ വനംവകുപ്പിന് ജനകീയ മുഖം കൈവരിക്കാന് സാധിച്ചതായും മന്ത്രി പറഞ്ഞു.
നബാര്ഡ് പദ്ധതിയില് നടപ്പാക്കിയിട്ടുള്ള ആലത്തൂര് റെയിഞ്ച് ഓഫീസ് കോംപ്ലക്സ്, നെല്ലിയാമ്പതി ഫ്ളയിങ് സ്ക്വാഡ് റെയിഞ്ച് ഓഫീസ് കോംപ്ലക്സ്, മനുഷ്യ വന്യജീവി സംഘര്ഷം ലഘുകരിക്കുന്നതിന്റെ ഭാഗമായി നെന്മാറ, ആലത്തൂര് എന്നീ നിയോജക മണ്ഡലങ്ങളില് ഉള്പ്പെട്ട പ്രദേശങ്ങളില് നിര്മ്മിച്ച 36 കി.മീ സൗരോര്ജ്ജ തൂക്കുവേലി, ഇക്കോ ടൂറിസം വിപുലീകരിക്കുന്നതിന്റെ ഭാഗമായി സീതാര്കുണ്ട് ഇക്കോ ടൂറിസം സെന്ററില് നിര്മ്മിച്ച ടിക്കറ്റ് കൗണ്ടര്, ടോയ്ലറ്റ് ബ്ലോക്ക് എന്നിവയുടെ ഉദ്ഘാടനമാണ് മന്ത്രി നിര്വഹിച്ചത്.
കെ. ബാബു എംഎല്എ അധ്യക്ഷനായ പരിപാടിയില് നെന്മാറ ബ്ലോക്ക് പഞ്ചായത്ത് പ്രസിഡന്റ് സി. ലീലാമണി, നെന്മാറ, അയിലൂര്, കൊല്ലങ്കോട്, ഗ്രാമപഞ്ചായത്ത് പ്രസിഡന്റുമാരായ പ്രബിത ജയന്, എസ്. വിഘ്നേഷ്, കെ. സത്യപാല്, നെന്മാറ ഗ്രാമപഞ്ചായത്തംഗം എ. രാധാകൃഷ്ണന്, പാലക്കാട് ഈസ്റ്റേണ് സര്ക്കിള് ചീഫ് ഫോറസ്റ്റ് കണ്സര്വേറ്റര് കെ. വിജയനന്ദന് ഐ.എഫ്.എസ്, ഐ ആന്റ് ഇ കണ്സര്വേറ്റര് ഓഫ് ഫോറസ്റ്റ്സ് ആര്. കീര്ത്തി ഐ.എഫ്.എസ്, നെന്മാറ ഡിവിഷണല് ഫോറസ്റ്റ് ഓഫീസര് പി. പ്രവീണ്, വിവിധ രാഷ്ട്രീയ പ്രതിനിധികള്, മറ്റ് ഉദ്യോഗസ്ഥര് തുടങ്ങിയവര് എന്നിവര് പങ്കെടുത്തു.