അങ്ങാടിപ്പുറത്ത് രണ്ടാമതൊരു മെമ്പർ കൂടി സിപിഎമ്മിൽ നിന്ന് രാജിവച്ചു*

അങ്ങാടിപ്പുറം : ഗ്രാമപഞ്ചായത്തിലെ 17-ാം വാർഡ് (പരിയാപുരം)സിപിഎം മെമ്പർ അനിൽ പുലിപ്ര സിപിഎമ്മിൽ നിന്ന് രാജിവെച്ചു. അടുത്തകാലത്തായി സിപിഎമ്മിൽ നിന്ന് അങ്ങാടിപ്പുറത്ത് രാജിവെക്കുന്ന രണ്ടാമത്തെ പഞ്ചായത്ത് മെമ്പറാണ് അനിൽ – നേരത്തെ 20-ാം വാർഡ് മെമ്പർ ആയ കോറാടൻ റംല സിപിഎമ്മിൽ നിന്ന് രാജി വെച്ചിരുന്നു. ഇതോടെ പഞ്ചായത്തിൽ സിപിഎം അംഗസംഖ്യ 9ൽ നിന്ന് 7 ആയി ചുരുങ്ങി.
28 വർഷമായി സിപിഎം മെമ്പർഷിപ്പ് ഉണ്ടായിരുന്ന വ്യക്തിയാണ് അനിൽ – 30 വർഷമായി പാർട്ടി മുഖപത്രമായ ദേശാഭിമാനിയുടെ ഏജൻറ് കൂടിയായിരുന്നു അനിൽ – പഞ്ചായത്തിലെ ഭിന്നശേഷിക്കാരായ കുട്ടികൾക്ക് വേണ്ടി ബഡ്സ് സ്കൂൾ സ്ഥാപിക്കുന്നതിന് പരിയാപുരത്തെ കോനാലിക്കൽ ബാബു വർഗീസ് എന്ന മഹാനുഭാവൻ സൗജന്യമായി 20 സെൻറ് സ്ഥലം നൽകിയപ്പോൾ മെമ്പറെ ഉപയോഗപ്പെടുത്തി അദ്ദേഹത്തെ അതിൽ നിന്ന് പിന്തിരിപ്പിക്കുവാനും ഈ സദുദ്യമം മുടക്കാനും സിപിഎം ശ്രമിച്ചു എന്നതാണ് അനിൽ ഉന്നയിക്കുന്ന ആരോപണം.പാർട്ടിയിൽ നിന്ന് തന്നെ അകറ്റാൻ നിമിത്തമായ പ്രധാന സംഭവം സിപിഎമ്മിന്റെ ഈ വികസന വിരുദ്ധ ജനവിരുദ്ധ നിഷേധാത്മക നിലപാടാണെന്ന് രാജി വെച്ചു കൊണ്ടുള്ള പ്രസ്താവനയിൽ അദ്ദേഹം വിശദീകരിച്ചു.